Hier können Sie die beiden Lieder der ibw-Weihnachtssingle 2022 mit den Stimmperlen und den Vocalines der Regionalen Musikschule Wohlen anhören. Unten finden Sie zudem die Liedtexte.
Die Lieder sind auch auf allen gängigen Portalen erhältlich. Die Links finden Sie in den Texten zu den Youtube-Videos.
Tuusig Liechter i de Nacht (Youtube-Link)
En Stern schickt es Lied (Youtube-Link)
Warm iigwicklet, ums Gsicht es Tuech,
Flöckli am Himmel wie im Bilderbuech,
Gschänkli poschte, Märlitram,
Marroniduft hangt i de Luft.
De Samichlaus isch i de Stadt,
de Rummel hed er langsam satt.
Doch stapft er tapfer geg de Wind
zu grosse und zu chliine Chind.
Tuusig Liechter i de Nacht
Glitzer Funkel Yskristall
Happy Christmas – alles lacht.
Tuusig Liechter i de Nacht
Cherzeliecht und Sterneglanz
Happy Christmas – alles lacht.
Päckli mache, Chärtli schriibe,
Guetzli bache, Zyt vertriibe,
Flöte butze, Giige stimme,
Lieder sueche, Lieder singe.
Denn zum Puur en Baum go holze,
sone schöne, grosse, stolze.
Wenn d' Cherzli hanged a de Äscht,
isch alls parat für liebi Gäscht.
Tuusig Liechter i de Nacht
Glitzer Funkel Yskristall
Happy Christmas – alles lacht.
Tuusig Liechter i de Nacht
Cherzeliecht und Sterneglanz
Happy Christmas – alles lacht.
So han i mit dem Wiehnachtslied
vilecht au dini Seel berührt.
Jetzt bliibt mer no en Wunsch a di
Nei, ich wünsch mer nüd für mi.
Wenn du dur die Strosse laufsch,
's eint oder andere Gschänkli chaufsch,
lueg ume, halt y und nimm der Zyt,
Geb wiiter, was dir am Herze lyt.
Tuusig Liechter i de Nacht
Glitzer Funkel Yskristall
Happy Christmas – alles lacht.
Tuusig Liechter i de Nacht
Cherzeliecht und Sterneglanz
Happy Christmas – alles lacht.
Tuusig Liechter i de Nacht
Glitzer Funkel Yskristall
Happy Christmas – alles lacht.
Tuusig Liechter i de Nacht
Cherzeliecht und Sterneglanz
Happy Christmas – alles lacht.
Cherzeliecht und Sterneglanz
Happy Christmas – alles lacht.
Text: Prisca Zweifel | Musik: Lukas Stäger
En Stern schickt es Lied uf die Welt,
es Lied vo Wärmi und Geborgeheit.
En Stern schickt es Lied uf die Welt,
Ich ghör e Stimm, wo zue mer sait:
Sing mit mir, dass es Wiehnacht cha werde.
Sing mit mir und mach d' Mönsche um di froh.
Ghörsch, wie d' Melodie dur die Winternacht flügt?
Sing mit mir – d' Wiehnachtszyt isch do.
En Stern schickt es Lied uf die Welt,
es Lied von Ängeli, Liebi und Fröid.
En Stern schickt es Lied uf die Welt,
wo Chummer, Schmerz und Alleisy zerstreut.
Sing mit mir, dass es Wiehnacht cha werde.
Sing mit mir und mach d' Mönsche um di froh.
Ghörsch, wie d' Melodie dur die Winternacht flügt?
Sing mit mir – d' Wiehnachtszyt isch do.
En Stern schickt es Lied uf die Welt,
es Lied vo Mönsche, wo nüm chönd bi öis sy.
En Stern schickt es Lied uf die Welt,
in Gedanke sinds trotzdem deby.
Sing mit mir, dass es Wiehnacht cha werde.
Sing mit mir und mach d' Mönsche um di froh.
Ghörsch, wie d' Melodie dur die Winternacht flügt?
Sing mit mir – d' Wiehnachtszyt isch do.
Sing mit mir – d' Wiehnachtszyt isch do.
Sing mit mir – d' Wiehnachtszyt isch do.
